Qırğızıstan və Tacikistan Prezidentləri Sadır Japarov və Emoməli Rəhmon Bişkekdə keçirilməsi planlaşdırılan görüşdə sərhəd sazişi imzalamaq niyyətindədirlər.

APA xəbər verir ki, bu barədə jurnalistlərə Qırğızıstan Prezident Administrasiyasının xarici siyasət şöbəsinin rəhbəri Muratbek Azımbakiyev məlumat verib.

“Qırğız Respublikasının Prezidenti Sadır Japarovun və Tacikistan Respublikasının Prezidenti Emoməli Rəhmonun birgə bəyanatının qəbul edilməsi, Qırğızıstan Respublikası ilə Tacikistan Respublikası arasında dövlət sərhədi haqqında sazişin və digər ikitərəfli sənədlərin imzalanması planlaşdırılır”, - Azimbakiyev bildirib.

Qırğızıstanla Tacikistan arasındakı sərhədin uzunluğu təqribən 980 km-dir. Onun delimitasiyası ilə bağlı danışıqlar 2002-ci ilin dekabrından davam edir. Bu məsələnin həll olunmaması dəfələrlə iki respublikanın yerli sakinləri və hərbçilərinin iştirakı ilə münaqişələrə, odlu silahdan istifadəyə səbəb olub. Bunlardan sonuncusu 2022-ci ilin payızında baş verib. Ümumilikdə 2014-cü ildən bəri Qırğızıstan-Tacikistan sərhədində 10-dan çox ciddi münaqişə baş verib.

Oxşar xəbərlər

Tacikistan və Qırğızıstan prezidentləri Qazaxıstanda işgüzar səfərdədirlər

Qırğızıstan Prezidenti Rusiyaya səfər edəcək

Türkiyə və Macarıstan liderləri Qırğızıstana səfər edəcəklər

Qırğızıstanda Prezident Administrasiyasının rəhbəri vəzifəsindən azad edilib

Sadır Japarov COP29-da iştirak etmək üçün Azərbaycana səfər edəcək