“Ermənistan Respublikasının Avropa İttifaqına (Aİ) üzvlüyü prosesinin başlanması haqqında” qanun layihəsi Aİ-yə üzvlüklə bağlı müraciət deyil.

“Sizinxeber.az” Ermənistan KİV-ə istinadən xəbər verir ki, bunu Ermənistan xarici işlər nazirinin müavini Paruyr Hovannisyan Avropaya inteqrasiya üzrə parlament komissiyasının iclasında bildirib.

"Əgər biz üzv olmaq üçün müraciət etsəydik, belə reallıqlar mümkün olardı. Qanun üzvlük üçün müraciət deyil. Biz geosiyasi dəyişikliklər kontekstini görmürük. Bu cür ciddi dəyişikliklər digər prosedurlar zamanı baş verəcək", - Hovannisyan qeyd edib.

Onun sözlərinə görə, qanun konkret addımları nəzərdə tutmur, bu, daha çox hakimiyyətin Aİ ilə münasibətləri gücləndirmək istəyinə cavab verən siyasi mesajdır.

Oxşar xəbərlər

Ermənistan parlamentində Aİ-yə üzvlük prosesinin başlanması ilə bağlı layihənin müzakirəsi təxirə salınıb

Ermənistanda Avropaya inteqrasiya ilə bağlı qanun layihəsi nəzərdən keçiriləcək

Peskov: Ermənistanın Aİ və Aİİ-də eyni zamanda üzvlüyü mümkün deyil

Ermənistan baş naziri: Avropa İttifaqı ilə inteqrasiya prosesinə başlayırıq

Overçuk: Ermənistan Aİ və Aİİ arasında seçim qarşısındadır