İran hökuməti Kerman əyalətində fevralın 13-də saxlanılan iki Britaniya vətəndaşına qarşı casusluq ittihamı irəli sürüb.

“Sizinxeber.az” TASS-a istinadən xəbər verir ki, bu barədə İran məhkəməsinin nümayəndəsi Eshak Cahangir məlumat verib.

"Saxlanılan iki Britaniya vətəndaşına casusluq ittihamı irəli sürülüb", - o bildirib. Kermanın baş prokuroru İbrahim Həmidinin sözlərinə görə, bu şəxslərin kəşfiyyat xidmətləri ilə bağlı qurumlarla əlaqəsi olduğu müəyyən edilib.

E.Cahangir qeyd edib ki, britaniyalılar İrana turist kimi daxil olublar, lakin tədqiqat fəaliyyəti adı altında bir neçə əyalətdə müxtəlif məlumatlar toplayıblar: “Bununla əlaqədar şübhəlilər İran təhlükəsizlik xidmətlərinin nəzarətinə götürülüb, daha sonra isə saxlanılıblar”.

Agentliyin məlumatına görə, daha əvvəl İran rəsmiləri Böyük Britaniyanın səfiri Hüqo Şorterə saxlanılanlarla görüş keçirməyə icazə verib.

Oxşar xəbərlər

ABŞ-nin eks-səfiri Kubaya casusluq ittihamı ilə 15 il müddətinə azadlıqdan məhrum edilib

Britaniya səfiri İran XİN-ə çağırılıb

Keçmiş Britaniya əsgəri İrana casusluqda təqsirli bilinib

Rusiya 30 Britaniya vətəndaşına qarşı sanksiya tətbiq edib

Britaniyada iki nəfər Çinə casusluq etməkdə ittiham olunub