Rusiyanın partlayıcı döyüş başlığına malik zərbə dronu Çernobıl Atom Elektrik Stansiyasının (AES) 4-cü enerji blokunun sığınacağına düşüb, hücum nəticəsində sarkofaq zədələnib.

“Sizinxeber.az” Ukrayna KİV-ə istinadən xəbər verir ki, bu barədə Ukrayna Prezidenti Volodimir Zelenski sosial şəbəkələrdə məlumat verib.

"Bu gecə Rusiyanın zərbə dronu Çernobıl AES-in dağıdılmış 4-cü enerji blokunun radiasiyasından qoruyan sığınacağa düşüb", - o bildirib və qeyd edib ki, hücum nəticəsində başlayan yanğın artıq söndürülüb.

V.Zelenski xatırladıb ki, bu sığınacağı Ukrayna digər Avropa və dünya ölkələri, ABŞ ilə birlikdə inşa edib.

Atom Enerjisi üzrə Beynəlxalq Agentlik bu gün saat 01:50 radələrində Çernobıl AES-də partlayış baş verdiyini təsdiqləyib.

Oxşar xəbərlər

Rusiya Çernobıl Atom Elektrik Stansiyasının sığınacağına PUA zərbəsi endirib - VİDEO

Beynəlxalq Atom Enerjisi Agentliyi Ukraynadakı müşahidəçilərinin sayını artıracaq

Zelenski Rusiyanın Ukraynadakı AES-lərə mümkün hücum təhlükəsi barədə BMT tribunasından xəbərdarlıq edib

Zaporojye Atom Elektrik Stansiyasında yanğın baş verib