Şimali Kipr yaxın vaxtlarda Türk Dövlətləri Təşkilatının tamhüquqlu üzvü olacaq.

“Sizinxeber.az” xəbər verir ki, bunu Türkiyənin vitse-prezidenti Cevdet Yılmaz Şimali Kipr Türk Cümhuriyyətinin (ŞKTC) Prezidenti Ersin Tatarla görüşündə deyib.

O, buna inandıqlarını bildirib: “Türk dünyası Kipr türklərinin haqlı mübarizəsini müdafiə etdikcə, birliyimiz daha da güclənəcək”.

C.Yılmaz həmçinin diqqətə çatdırıb ki, beynəlxalq ictimaiyyət Şimali Kipri tanımalı, onunla diplomatik, siyasi və iqtisadi əlaqələr qurmalıdır.

Qeyd edək ki, Türk Dövlətləri Təşkilatına (TDT) Azərbaycan, Türkiyə, Qazaxıstan, Qırğızıstan və Özbəkistan daxildir. Macarıstan, Şimali Kipr və Türkmənistan təşkilatda müşahidəçi üzv statusunda təmsil olunurlar.

Oxşar xəbərlər

Ersin Tatar Prezident İlham Əliyevə zəng edib

ŞKTC-li nazir: Azərbaycan, Türkiyə və Şimali Kipr bir-birinin mənafeyini daim dəstəkləməlidir

Şuşada Türk dövlətlərinin səhiyyə nazirlərinin dördüncü iclası keçiriləcək

Bişkekdə TDT-yə üzv ölkələrin nazirlərinin toplantısı keçiriləcək

Ersin Tatar Türkiyədə səfərdədir