İranda əxlaq polis qadınları başörtüsü ilə bağlı narahat etməyəcək.

“Report” “Haber Global”a istinadən xəbər verir ki, bunu İran Prezidenti Məsud Pezeşkian deyib.

Bildirilib ki, BMT ötən həftə İranda qadınların hicabdan düzgün istifadə olunmaması səbəbindən cəzalandırılmalarına görə xəbərdarlıq edib.

M.Pezeşkian prezident olandan sonra keçirdiyi ilk mətbuat konfransında bir qadın jurnalistin polis maşınlarından qaçmaq üçün yolunu dəyişdiyini söyləyib. O bunun ardınca polisin başörtüsü ilə bağlı hələ də küçələrdə olub-olmadığı ilə maraqlanıb. Ona cavab verən saçları azca görünən jurnalist küçələrdə polisin olduğunu deyib. Məsud Pezeşkian isə cavabında deyib: “Əxlaq polisi qadınların işinə qarışmamalıdır. Mən məsələyə nəzarət edəcəyəm ki, qadınları narahat etməsinlər”.

Qeyd edək ki, mətbuat konfransı 2022-ci ilin sentyabrında hakimiyyətin tətbiq etdiyi hicaba əməl etməməkdə günahkar bilinən Məhsa Əminin qətlə yetirilməsinin ikinci ildönümünə təsadüf edib.

M.Pezeşkian prezident seçkisi qabağı kampaniya zamanı hicab tələbinə nəzarət edən patrul xidmətinə qarşı çıxacağını vəd etmişdi. O həmçinin ölkədə uzun müddətdir mövcud olan bəzi internet nəzarətlərini yüngülləşdirəcəyini söyləmişdi.

Oxşar xəbərlər

İran Prezidenti ABŞ-a səfər edəcək

İran prezidenti Məsud Pezeşkian Nyu Yorka səfər edəcək

Pezeşkian: İran nüvə silahı əldə etməyə çalışmır

Məsud Pezeşkian: İran Qərblə gərginliyin azaldılmasını müzakirə etməyə hazırdır

İran Prezidenti: Azərbaycanla birgə layihələrin həyata keçirilməsi məsələsini öyrənirik