Mərkəzi Asiyanın sürətlə inkişaf edən dövlətlərindən olan Özbəkistanla əməkdaşlıq, xüsusilə Orta Dəhlizin inkişafı kontekstində Gürcüstan üçün mühüm əhəmiyyət daşıyır.

"Report"un Gürcüstan bürosunun məlumatına görə, bunu Gürcüstanın xarici işlər naziri Maka Boçorişvili bildirib.

Nazirin sözlərinə görə, Özbəkistan Prezidentinin Gürcüstana bu səviyyədə son səfəri 23 il əvvəl baş tutub.

"Bu, ölkələrimiz arasında münasibətləri yeni səviyyəyə qaldırmaq üçün tarixi fürsətdir. Münasibətlərin müxtəlif istiqamətlərdə daha da dərinləşdirilməsi məqsədilə strateji əməkdaşlıq haqqında sazişin imzalanması nəzərdə tutulur", – deyə Boçorişvili qeyd edib.

Nazir əlavə edib ki, səfər çərçivəsində keçirilən Gürcüstan–Özbəkistan Biznes Forumu da iki ölkənin işgüzar dairələri arasında əlaqələrin genişlənməsinə və praktiki əməkdaşlığın güclənməsinə töhfə verəcək.

Oxşar xəbərlər

Gürcüstan "Orta Dəhliz"də rolunu gücləndirmək istəyir

Maka Boçorişvili: Gürcüstanın strateji seçimi Avropa İttifaqına inteqrasiyadır

Boçorişvili qazaxıstanlı həmkarı ilə Orta Dəhlizin inkişafını müzakirə edib

Boçorişvili və Fidan Orta Dəhlizin inkişafını müzakirə ediblər

Boçorişvili: Gürcüstan Mərkəzi Asiya ölkələri ilə sıx əməkdaşlığı inkişaf etdirməyə çalışır