"Orta Dəhliz"in əsas həlqələrindən biri olan Gürcüstan Qərbi Balkan regionu ilə əməkdaşlığın genişləndirilməsində maraqlıdır.

"Report"un yerli bürosu xəbər verir ki, bunu Gürcüstan Prezidenti Mixeil Kavelaşvili Serbiya Respublikasının Prezidenti Aleksandar Vuçiç ilə təkbətək görüşündə deyib.

Onun sözlərinə görə, bu, Avropa ilə Asiya arasında nəqliyyat-logistika əlaqələrinin inkişafına əlavə töhfə verə bilər.

Liderlər görüş zamanı regional və qlobal proseslərə də toxunaraq, sülhün, təhlükəsizliyin və sabitliyin qorunmasının vacibliyini vurğulayıblar. Qeyd edilib ki, beynəlxalq münasibətlər sistemində baş verən dəyişikliklər fonunda həm Cənubi Qafqazda, həm də Qərbi Balkanlarda sabitliyin təmin olunması xüsusi əhəmiyyət daşıyır.

Kavelaşvili qeyd edib ki, Tbilisi Cənubi Qafqazda uzunmüddətli sabitliyin təmin edilməsinə və qonşu dövlətlər arasında qarşılıqlı etimadın möhkəmləndirilməsinə yönəlmiş siyasətini davam etdirəcək.

Qeyd edək ki, iyunun 15-də Serbiya Prezidenti Aleksandar Vuçiçin Gürcüstana səfəri başlayıb. Səfər iyunun 17-də bitəcək.

Oxşar xəbərlər

Kavelaşvili Gürcüstan və Azərbaycan arasında strateji tərəfdaşlığın daha da möhkəmlənəcəyinə əmindir

Gürcüstan və Ermənistan prezidentləri regional məsələləri müzakirə ediblər

Tbilisidə Gürcüstan-Qazaxıstan görüşündə regional bağlantı və strateji tərəfdaşlıq gündəmə gəlib

Baş nazir Əli Əsədov Gürcüstan Prezidenti Mixeil Kavelaşvili ilə görüşüb - YENİLƏNİB

Aleksandar Vuçiçin Gürcüstana səfər proqramı açıqlanıb