Bu ilin birinci rübündə Azərbaycan Gürcüstan iqtisadiyyatına 20,9 milyon ABŞ dolları həcmində investisiya yatırıb.

APA-nın yerli bürosu xəbər verir ki, bu barədə Gürcüstanın Milli Statistika İdarəsinin birbaşa xarici investisiyalarla bağlı ilkin hesabatında bildirilib.

İllik müqayisədə sərmayələrin həcmində 16,1% azalma qeydə alınıb. Hesabat dövründə Azərbaycan Gürcüstanın əsas investor ölkələrinin ilk onluğunda 7,7% payla dördüncü yeri tutub. İlk üçlükdə Böyük Britaniya (52,4 milyon ABŞ dolları), ABŞ (47,5 milyon ABŞ dolları) və Niderland (29,2 milyon ABŞ dolları) qərarlaşıb.

Yanvar-martda Gürcüstan iqtisadiyyatına ümumilikdə 271,2 milyon ABŞ dolları həcmində birbaşa xarici investisiya qoyulub ki, bu da ötən ilin eyni dövrünə nisbətdə 47,7% çoxdur. Sərmayələrin ən çox cəlb edildiyi sahələr maliyyə və sığorta, daşınmaz əmlak, informasiya və kommunikasiyalar, energetika, ticarət, istehsal, tikinti, incəsənət, əyləncə və istirahət, inzibati və isan sağlamlığı fəaliyyətləri olub.

Oxşar xəbərlər

Azərbaycan Rusiyaya investisiya qoyuluşunu 18 % azaldıb

Azərbaycanın BƏƏ iqtisadiyyatına birbaşa investisiya qoyuluşunu kəskin azaldıb

Azərbaycan Gürcüstan iqtisadiyyatına birbaşa investisiya qoyuluşunu 5 dəfə artırıb

Böyük Britaniya Azərbaycana investisiya qoyuluşunu 5 %-ə yaxın azaldıb

Türkiyə Azərbaycana investisiya qoyuluşunu 4 %-dən çox artırıb