ABŞ Dövlət Departamentinin Avropa və Avrasiya Məsələləri Bürosunun nümayəndəsi Peter Andreoli Gürcüstana səfər edib.

"Report"un yerli bürosu xəbər verir ki, bu barədə ABŞ-nin Gürcüstandakı səfirliyi məlumat yayıb.

Bildirilib ki, nümayəndə səfər çərçivəsində ölkə hökumətinin təmsilçiləri, özəl sektor nümayəndələri və vətəndaş cəmiyyəti ilə bir sıra görüşlər keçirəcək.

Həmçinin qeyd olunub ki, P. Andreolinin Gürcüstana səfəri iki ölkə arasında əməkdaşlığın müxtəlif istiqamətlərdə müzakirəsinə xidmət edir.

Qeyd olunub ki, Andreoli səfər zamanı Poti şəhərinə gedərək liman infrastrukturunda Amerika investisiya imkanlarını nəzərdən keçirəcək.

Diplomatik missiyadan bu səfərin ABŞ ilə Gürcüstan arasında iqtisadi və siyasi əlaqələrin daha da möhkəmləndirilməsinə töhfə verəcəyini vurğulanıb.

Oxşar xəbərlər

Gürcüstanın idman naziri Azərbaycana gələcək

Səfir: Gürcüstan XİN rəhbərinin Azərbaycana rəsmi səfəri əlaqələri daha da gücləndirəcək

Gürcüstan və ABŞ Amerikanın yeni administrasiyası ilə əməkdaşlığı müzakirə edib

Azərbaycan nümayəndə heyəti Pakistanın investisiya imkanlarını qiymətləndirəcək