Avqustun 14-ü gecə saatlarında pilotsuz uçuş aparatları (PUA) Rusiyanın Volqoqrad şəhərinə hücum edib, nəticədə "Lukoil-Volqoqradneftepererabotka" neft emalı zavodunun ərazisində yanğın baş verib.

"Report"un məlumatına görə, bu barədə Volqoqrad vilayətinin qubernatoru Andrey Boçarov bildirib.

"Volqoqrad vilayətindəki neft emalı zavodunda yanğın və neft məhsullarının sızması PUA hücumundan sonra qalıqların düşməsi səbəbindən baş verib", - qubernator bildirib.

Hücum səbəbindən "Rosaviasiya" yerli hava limanını müvəqqəti olaraq bağlayıb.

Qeyd edək ki, "Lukoil-Volqoqradneftepererabotka" zavodu Rusiyanın Cənub federal dairəsində neft məhsullarının ən böyük istehsalçısıdır, müəssisənin gücü 14,8 milyon tondur.

Oxşar xəbərlər

İranda Abadan neft emalı zavodunda yanğın olub

Norveçdə neft emalı zavodunda yanğın baş verib

İranın cənubundakı neft emalı zavodunda yanğın baş verib

Heydər Əliyev adına Neft Emalı Zavodunda yanğın başlayıb

Kaliforniyada neft zavodunda partlayış baş verib, xəsarət alanlar var