Mövcud çağırışlar İslam dünyasında parçalanmaya son qoyulmasını tələb edir

"Report" xəbər verir ki, bunu Birləşmiş Ərəb Əmirlikləri (BƏƏ) Federal Milli Şurası sədrinin birinci müavini Tariq Altayer Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında çıxışı zamanı deyib.

O qeyd edib ki, yaranmış şəraitdə əsas diqqət İslam ölkələrinin iqtisadi imkanlarının genişlənməsinə, beynəlxalq əməkdaşlığın və inteqrasiyanın möhkəmlənməsinə, hərtərəfli və gələcəyə hesablanmış layihələrin həyata keçirilməsinə yönəldilməlidir:

"Hazırda qarşıda duran əsas vəzifə təkcə mövcud böhranları həll etmək deyil, həm də mövcud çağırışları ölkələrin güclənməsinə yönəldə bilməkdir. Həmçinin indiki çağırışlar İslam dünyasında parçalanmaya son qoyulmasını və qarşıdurma risklərinin azaldılmasını tələb edir.

Eyni zamanda, hüquqi sistemdən kənara çıxmamaq, vətəndaşlara dəstəyin artırılması, BMT prinsiplərinə uyğun fəaliyyət göstərilməsi də mühüm tələblər sırasındadır. Bu məqsədlə korrupsiyaya qarşı mübarizənin gücləndirilməsi, xalqların hərtərəfli inkişafının təmin olunması, əməkdaşlığın dərinləşdirilməsi və ərəb ölkələri arasında münasibətlərin möhkəmləndirilməsi vacibdir".

BƏƏ parlamentinin vitse-spikeri əlavə edib ki, davamlı və hərtərəfli inkişafın təmin edilməsi üçün müxtəlif məsələlər üzrə əməkdaşlığın fəallaşdırılması zəruridir.

Oxşar xəbərlər

Pakistanın Azərbaycandakı səfirliyi iki gün işləməyəcək

Sahibə Qafarova: İslam dünyası hələ də həllini gözləyən ciddi çağırışlarla üz-üzədir

İslam Zirvə Konfransının 16-cı Sessiyası 2027-ci ildə Azərbaycanda keçiriləcək

Sahibə Qafarova BƏƏ Federal Milli Şurası sədrinin birinci müavini ilə görüşüb

Azərbaycan ilə BƏƏ-nin əməkdaşlığı barədə fikir mübadiləsi aparılıb