İran və Rusiya iyulun 21-də Xəzər dənizində iki ölkənin hərbi dəniz qüvvələrinin və İran İslam İnqilabı Keşikçiləri Korpusunun (İİKK) əməkdaşlarının iştirakı ilə CASAREX-2025 təlimlərinə start verəcək.

"Sizinxeber.az"un məlumatına görə, bu barədə İranın "Tasnim" agentliyi bildirib.

"İran İslam Respublikasının Hərbi Dəniz Qüvvələri tərəfindən təşkil edilmiş CASAREX-2025 kombinə edilmiş dəniz axtarış-xilasetmə təlimləri sabahdan (21 iyul - red.) etibarən üç gün ərzində Xəzər dənizində keçiriləcək. Bu təlimlər İran ordusunun Hərbi Dəniz Qüvvələri, İİKK, Rusiya Federasiyasının Hərbi Dəniz Qüvvələri və Xəzəryanı region ölkələrindən müşahidəçilərin iştirakı ilə baş tutacaq", - məlumatda deyilir.

Agentlik dəqiqləşdirir ki, təlimlərin məqsədi dəniz təhlükəsizliyi səviyyəsinin və Xəzəryanı ölkələrin Hərbi Dəniz Qüvvələri arasında qarşılıqlı fəaliyyətin artırılmasıdır.

Oxşar xəbərlər

Çin, Rusiya və İran birgə hərbi dəniz təlimləri keçirəcək

İran Azərbaycanla sərhəddə hərbi təlim keçirir

Xəzər dənizində “AZIREX-2024” birgə taktiki təlimi keçiriləcək

İran Hind okeanı hövzəsinə daxil ölkələrin iştirakı ilə birgə təlim keçirəcək

İran Hərbi Dəniz Qüvvələri yeni dəniz qanadlı raketləri alıb