Rusiyada həbsdə olan Fransa vətəndaşı Loran Vinatyenin cinayət işi üzrə məhkəmə prosesi keçirilib.

Sizinxeber.az-nın Moskva müxbiri xəbər verir ki, prosesdə çıxış edən dövlət ittihamçısı Vinateynin cəzasını koloniya rejimli cəzaçəkmə müəssisəsində çəkməklə 3 il 3 ay müddətinə azadlıqdan məhrum edilməsini istəyib.

Qeyd edək ki, Loran Vinatye bu ilin iyunun əvvəlində Moskva restoranlarından birində saxlanılıb. İstintaqın məlumatına görə, o, bir neçə il ərzində xarici agentlərin reyestrinə daxil olmaqdan yayınıb və lazımi sənədləri təqdim etməyib.

Rusiya FTX Vinatyenin İsveçrə Humanitar Dialoq Mərkəzinin əməkdaşı olduğunu, əslində bu təşkilatın əməkdaşlarının ölkədəki vəziyyətlə bağlı “həssas məlumatlar”ı topladıqlarını açıqlayıb.

Xatırladaq ki, Vinatyenin Rusiyanın hərbi fəaliyyəti haqqında məlumat toplamaqda günahını etiraf etdiyi bildirilib.

Oxşar xəbərlər

Sosial sığınacaqda rəfiqəsini bıçaqlayan qadına hökm oxunub

Alla Puqaçova valideynlik hüququndan məhrum edilə bilər

Keçmiş vəkil məhkəmə zalında həbs olunub

“Tərtər işi” ilə bağlı ittiham olunan şəxslərə cəza istənilib