Almaniya Kansleri Fridrix Merts ABŞ Prezidenti Donald Trampla Rusiya-Ukrayna münaqişəsinin həlli üzrə birgə səyləri müzakirə etmək niyyətindədir.

“Sizinxeber.az” TASS-a istinadən xəbər verir ki, bu barədə Merts Vaşinqtonda alman jurnalistlərə bildirib.

“Ukrayna məsələsini və hadisələrin gələcək inkişafını müzakirə etməliyik. Eşitdiniz ki, o, dünən Putinlə uzun telefon danışığı aparıb, lakin bu, heç bir konkret nəticə verməyib. Biz bu müharibəyə son qoymaq üçün birgə səylərin davam etdirilməsini müzakirə etməliyik”, - kansler deyib.

Merts Trampla danışıqlar zamanı NATO-nun güclənməsi məsələsinə də toxunulacağını qeyd edib. Eyni zamanda o, Almaniyanın Avropanın ən güclü nizami ordusunu əldə etməyə çalışdığını bəyan edib. Kanslerin sözlərinə görə, bu, Almaniyanın Aİ-də ən çox əhalisi olan ölkə olması ilə bağlıdır və iqtisadi inkişaf bunu etməyə imkan verir. Bundan əlavə, o, Almaniyanın Avropanın geostrateji mərkəzində olmasına diqqət çəkib.

Qeyd edək ki, Merts və Tramp ilk dəfə bu gün Bakı vaxtı ilə gecə saatlarında Ağ Evdə görüşəcəklər.

Oxşar xəbərlər

Almaniyanın yeni kansleri ABŞ Prezidenti ilə telefon danışığı aparmağı planlaşdırır

Merts gələn həftə Ukrayna ilə bağlı ciddi danışıqlar olacağını gözləyir

KİV: Merts Almaniya kansleri seçkilərində ikinci tur səsverməsindən imtina edəcək

Zelenski və dörd Avropa lideri Trampla İstanbul danışıqlarını müzakirə edib

Merts Rusiya – Ukrayna münaqişəsinin başa çatması ehtimalından danışıb