İran-ABŞ danışıqlarının 5-ci raundunun tarixi və yeri açıqlanıb

İran-ABŞ danışıqlarının 5-ci raundunun tarixi və yeri açıqlanıb.

“Report” xəbər verir ki, bu barədə dialoqda vasitəçi kimi çıxış edən Omanın xarici işlər naziri Bədr əl-Busaidi bildirib.

“İran və ABŞ arasında danışıqların beşinci raundu cümə günü, mayın 23-də Romada baş tutacaq”, - XİN başçısı “X” sosial şəbəkəsində yazıb.

Danışıqlar nüvə proqramı ilə bağlı fikir ayrılıqlarının aradan qaldırılması istiqamətində aparılır.