ABŞ və İran arasında danışıqların dördüncü raundunun yerini İranın nüvə proqramı ilə bağlı fikir ayrılıqlarının həlli prosesində vasitəçilik edən Oman hakimiyyəti elan edəcək.

“Sizinxeber.az” xəbər verir ki, bunu İranın xarici işlər naziri Abbas Əraqçi ölkənin dövlət televiziyasına açıqlamasında deyib.

"Növbəti raund çox güman ki, şənbə günü baş tutacaq. Oman hökuməti bütün təfərrüatlarla məşğuldur. Onlar bütün məlumatları, o cümlədən danışıqların yerini hər iki tərəfə çatdıracaqlar", - XİN rəhbəri bildirib.

Qeyd edək ki, ABŞ və İran arasında dialoqun üçüncü raundu şənbə günü Maskatda başa çatıb. Yüksək səviyyəli siyasi danışıqlara paralel olaraq Omanın paytaxtında respublikanın nüvə proqramı üzrə potensial sazişin detallarını müzakirə edən ekspertlərlə texniki məsləhətləşmələr aparılıb.

Oxşar xəbərlər

Oman XİN ABŞ-İran danışıqlarının ikinci mərhələsinin vaxtını təsdiqləyib

Romada ABŞ-İran danışıqlarının ikinci raundu başlayıb

ABŞ-İran danışıqlarının ikinci raundu aprelin 19-da keçiriləcək

ABŞ-İran danışıqlarının növbəti raundu Avropada keçiriləcək

İranın XİN rəhbəri Romada ABŞ ilə növbəti danışıqlarda iştirakını təsdiqləyib