Qazaxıstan Türk Dövlətləri Təşkilatı (TDT) çərçivəsində bütün istiqamətlər üzrə konstruktiv dialoqa sadiqdir.

“Sizinxeber.az”un Qazaxıstan bürosu xəbər verir ki, bunu Mərkəzi Asiya ölkəsinin Prezidenti Kasım-Jomart Tokayev Budapeştdə Macarıstanın Baş naziri Viktor Orbanla danışıqlar zamanı deyib.

Akordanın məlumatına görə, Tokayev görüşdə Budapeştdə keçiriləcək TDT-nin qeyri-rəsmi sammitinin önəmini xüsusilə vurğulayıb, həmçinin Qazaxıstanın təşkilat çərçivəsində bütün prioritet fəaliyyət istiqamətləri üzrə konstruktiv dialoqa sadiqliyini təsdiqləyib.

Orban isə Budapeşt və Astana arasında münasibətlərin davamlı və müsbət dinamikasını qeyd edib. O, son illərdə ikitərəfli əməkdaşlığın xüsusilə iqtisadi sahədə çox dinamik inkişaf etdiyini vurğulayıb və TDT sammitinin təşkili və keçirilməsində hərtərəfli dəstəyə görə minnətdarlığını bildirib.

İki ölkənin liderləri görüşdə ötənilki yüksək səviyyəli danışıqların nəticələri üzrə əldə edilmiş razılaşmaların, o cümlədən energetika, ticarət və investisiya sahələrində birgə layihələrin həyata keçirilməsinin gedişini nəzərdən keçiriblər. Bundan başqa, beynəlxalq gündəmin aktual məsələləri üzrə fikir mübadiləsi aparılıb.

Oxşar xəbərlər

Tokayev: Qazaxıstan və Rusiya əməkdaşlığında müsbət dinamika var

Kasım-Jomart Tokayev Azərbaycan Prezidentini təbrik edib

Tokayev Macarıstanda səfərdədir

Tokayev: Orta Dəhliz Türk dünyasının iqtisadi rifahına töhfə verməyə davam edəcək

Kasım-Jomart Tokayev: “Qazaxıstan Azərbaycanın SPECA-nın inkişafına töhfəsini alqışlayır”