Lüksemburqda Avropa Şurasının 134-cü sessiyası başlayıb

Bu gün Lüksemburqda Avropa Şurasının (AŞ) 134-cü nazirlər sessiyası başlayıb.

“Sizinxeber.az”un məlumatına görə, Azərbaycanı görüşdə xarici işlər nazirinin müavini Elnur Məmmədov təmsil edir.

Qeyd olunub ki, gündəliyə yeni geosiyasi kontekstdə təşkilatın rolu, xüsusilə Ukraynaya dəstəyi, həmçinin Avropa Şurasının ətraf mühitin mühafizəsi sahəsində fəaliyyəti ilə bağlı məsələlər daxil edilib.

Nazirlər həmçinin Avropa Şurası ilə Avropa İttifaqı arasında əməkdaşlığı müzakirə edəcəklər.