Avropa İttifaqı Şurasının sədri Antoniu Koşta Ukraynaya yardım və təhlükəsizlik zəmanəti ilə bağlı Avropa İttifaqına (Aİ) üzv dövlətlərlə məsləhətləşmələrə başlayıb.

“Report” “İnterfaks"a istinadən xəbər verir ki, bu barədə Brüsseldə Avropa İttifaqının rəsmi nümayəndələrindən biri jurnalistlərə məlumat verib.

"Antoniu Koşta Aİ ölkələrinin liderləri ilə iki mühüm mövzu ətrafında cəmləşən suallara əsaslanan sistematik və strukturlaşdırılmış məsləhətləşmə prosesini başladıb: Ukraynaya dəstək və təhlükəsizlik zəmanətləri", - o bildirib.

Aİ nümayəndəsinin sözlərinə görə, müvafiq mövzu üzrə növbədənkənar Avropa şurasının təşkili istisna edilmir, lakin hazırda Aİ-nin fövqəladə sammitinin keçirilməsi planları yoxdur: "Növbəti addımlar barədə qərar bu məsləhətləşmələr əsasında qəbul ediləcək".

Oxşar xəbərlər

KİV: ABŞ Avropanın Ukraynaya təhlükəsizlik zəmanəti verməsini gözləyir

Aİ diplomatiyasının yeni rəhbəri Ukraynaya qoşun göndərilməsini istisna etməyib

Antonio Koşta: Aİ-nin gələcək üzvü kimi Ukrayna ilə çiyin-çiyinə dayanmağa davam edəcəyik

Aİ Şurasının Prezidenti: Ukraynanın yanında olacağıq

Zelenski: Sülhə nail olmaq üçün təhlükəsizlik zəmanəti lazımdır