Çin kommunikasiya texnologiyalarını sınamaq üçün "Shiyan-19" rabitə peykini uğurla orbitə çıxarıb.

"Sizinxeber.az" TASS-a istinadən xəbər verir ki, bu barədə Çin Aerokosmik Elm və Texnika Korporasiyası məlumat yayıb.

Start Pekin vaxtı ilə saat 02:09-da (Bakı vaxtı ilə bazar ertəsi 22:09-da) Siçan kosmodromundan (cənub-qərbi Sıçuan əyaləti) CZ-3C ("Çancjen-3-si") daşıyıcı raketi vasitəsilə həyata keçirilib. Bu, "Çancjen" seriyalı raketlər üçün 575-ci buraxılışdır.

4,2 m diametrli örtüyə malik üç mərhələli CZ-3C uzunluğu 55,6 m-ə çatır. O, günəş-sinxron orbitə 3,9 tona qədər faydalı yük (yer ətrafı orbitə 8 tona qədər) çıxara bilir. CZ-3 tipli raketlər üçün bu, 167-ci missiya, 2025-ci ildə isə 8-ci missiyadır.

Pekin meteoroloji, telekommunikasiya və naviqasiya peyklərini və Ayın mənimsənilməsi üçün nəzərdə tutulmuş texnologiyaları hazırlayaraq milli kosmik proqramını fəal şəkildə inkişaf etdirir. Dövlətin dəstəyi ilə Çin mütəxəssisləri asteroidlərin və Marsın tədqiqi layihələrini həyata keçirirlər. Orbitdə beynəlxalq əməkdaşlıq üçün də nəzərdə tutulmuş Çin kosmik stansiyası fəaliyyət göstərir. 2024-cü ildə Çin 68 buraxılış həyata keçirib.

Oxşar xəbərlər

Çin altı “Shiyan-27” peykini uğurla orbitə çıxarıb

Çin raketi eksperimental rabitə peykini orbitə çıxarıb

Çin 18 qütb orbitli rabitə peykini uğurla işə salıb

Çin Yerin elektromaqnit sahəsini izləmək üçün peykləri orbitə buraxıb

“SpaceX” raketi 28 “Starlink” internet peykini orbitə çıxarıb