Moldova və Avropa İttifaqı (Aİ) 2028-ci ilə qədər Kişineuya 1,9 milyard avro məbləğində vəsaitin ayrılmasını nəzərdə tutan iqtisadi inkişaf planı haqqında saziş imzalayıb.

“Report” "İnterfaks"a istinadən xəbər verir ki, bu barədə Moldova hökumətinin mətbuat xidməti məlumat yayıb.

Sazişi Kişineuda Moldovanın Baş naziri Dorin Reçan və genişlənmə məsələləri üzrə Avropa komissarı Marta Kos imzalayıblar.

"Biz tarixi investisiya sazişi imzaladıq, bu, Moldovanın Aİ-yə qoşulması prosesinin ortasında olduğumuzu və avropalı tərəfdaşlarımızın uğur qazanacağımıza əminliyini nümayiş etdirir. Xarici həmrəylik və daxili birlik sayəsində 10, 20 deyil, 4 il sonra Avropa İttifaqının üzv dövləti olmağa hazır ola biləcəyik", - D.Reçan bildirib.

Təsdiqlənmiş inkişaf planı islahatlar proqramının həyata keçirilməsini və investisiyaların cəlb edilməsini nəzərdə tutur.

Plan çərçivəsində xüsusilə yerli və regional yolların, meşələrin, eləcə də Prut və Dnestr çayları boyunca yerləşən suvarma sistemlərinin bərpası üçün resursların ayrılması planlaşdırılır.

Oxşar xəbərlər

Brüssel və Kişinyov Moldovanın inkişafına dəstək üçün 1,9 milyard avroluq plan imzalayıb

Aİ komissarı: Moldova Avropa ailəsinin bir parçasıdır və biz onun yanındayıq

Moldova Prezidenti energetika nazirini vəzifəsindən azad edib