Moldova və Avropa İttifaqı ölkə üçün 1,9 milyard avroluq inkişaf planı imzalayıblar ki, bunun da böyük hissəsi kredit, bir hissəsi isə qrant kimi təqdim olunacaq.

Bu barədə “Sizinxeber.az” “European Pravda” nəşrinə istinadən xəbər verir.

“Mayın 9-da Moldovanın Baş naziri Dorin Reçan və genişlənmə üzrə Avropa komissarı Marta Kos Aİ-də 2025-ci ilin martında qəbul edilmiş 1,9 milyard avroluq Moldovanın İnkişaf Planını imzalayıb. Paket üç il ərzində ölkəyə 1,5 milyard avro kredit və təxminən 400 milyon avro qrant verilməsini nəzərdə tutur”, - məlumatda bildirilir.

Vəsaitlər sosial-iqtisadi islahatları sürətləndirmək, dayanıqlılığı gücləndirmək və Moldovanın Avropaya inteqrasiyasını təşviq etmək üçün istifadə olunacaq.

“Bu plan Moldova üçün bu günə qədər ən böyük dəstək paketimizdir, firavan və azad Moldovanın İttifaqımızda möhkəm şəkildə “məskunlaşmasını” istədiyimizə dair aydın siqnaldır”, - Marta Kos deyib.

Oxşar xəbərlər

Aİ Şurası və Avropa Parlamenti Moldovada islahatları 2 milyard avro ilə dəstəkləməyə razılaşıb

Avropa Komissiyası 90 milyard avroluq uzunmüddətli istiqraz buraxır

Aİ sammiti Ukraynaya 2025-ci ildə 30,6 milyard avro ayıracaq

AK Moldovanın Enerji Effektivliyi Fonduna 10 milyon avro ayıracaq

Aİ liderləri Ukraynaya 50 milyard avroluq yardım proqramını təsdiqləyiblər