ABŞ-də tək mühərrikli təyyarənin qəzaya uğraması nəticəsində 3 nəfər ölüb

ABŞ-nin Tennessi ştatında tək mühərrikli Mooney M20TN təyyarəsinin qəzaya uğraması nəticəsində 3 nəfər həlak olub.

“Report” xəbər verir ki, bu barədə NBC News telekanalı məlumat yayıb.

Hadisə günorta radələrində Uayt qraflığında uçuş-enmə zolağından bir mil cənubda baş verib.

Alabamadan havaya qalxan təyyarə Yuxarı Kumberlend regional hava limanına yaxınlaşarkən qəzaya uğrayıb. Təyyarədə üç nəfər olub, heç kim sağ qalmayıb. Ölənlərin kimliyi açıqlanmayıb.

Federal Aviasiya Administrasiyası (FAA) və Milli Nəqliyyat Təhlükəsizliyi Şurası (NTSB) hadisə yerindədir və araşdırmaya rəhbərlik edəcək.