Seul Vaşinqtondan Cənubi Koreya malları üçün rüsum siyasətində istisnalar etməyi istəyib, əvəzində respublika enerji və gəmiqayırma sahəsində əməkdaşlıq təklif edir.

“Report” TASS-a istinadən xəbər verir ki, bu barədə Cənubi Koreya Maliyyə Nazirliyinin mətbuat xidməti məlumat yayıb.

Vaşinqtonda aprelin 24-də Koreya Respublikası və ABŞ arasında məsləhətləşmələr keçirilib, burada maliyyə naziri Çxve San Mok, ticarət naziri An Dok Kın, ABŞ maliyyə naziri Skott Bessent və ABŞ ticarət nümayəndəsi Ceymison Qrir iştirak ediblər.

“Ticarət naziri An Dok Kın Amerika gəmiqayırmasının bərpasına, Koreya Respublikasının enerji təhlükəsizliyinin yaxşılaşdırılmasına yönəlmiş, həmçinin ikitərəfli ticarətə aid olan ikitərəfli iştirakla müxtəlif layihələr təklif edib. O həmçinin Koreya Respublikası üçün qarşılıqlı rüsumlar və sənaye rüsumları ilə bağlı istisnalar xahiş edib. Məsləhətləşmələr dostluq şəraitində keçib”.

Apreldə ABŞ Prezidenti Donald Tramp Cənubi Koreya malları üçün rüsumların 25 % təşkil edəcəyini elan etsə də, 90 gün müddətinə onları 10 %-ə endirib. Bundan başqa, ABŞ administrasiyası aprelin 3-dən bütün idxal edilən avtomobillərə 25 % gömrük rüsumu tətbiq edib.

Oxşar xəbərlər

Cənubi Koreya və ABŞ diplomatları Münxendə danışıqlar planlaşdırırlar

Cənubi Koreya və ABŞ tariflərlə bağlı danışıqlar üçün məşvərət orqanları yaradacaq

Blinken Koreya Respublikasının prezidenti səlahiyyətlərinin icraçısı ilə görüşüb

Cənubi Koreya Ukraynaya 2,3 milyard dollar maliyyə yardımı ayıracaq

Cənubi Koreya ABŞ-yə tariflərlə cavab verməyəcək