Koreya Respublikasının prezidenti səlahiyyətlərinin icraçısı, baş nazirin müavini Çxve San Mok və ABŞ dövlət katibi Entoni Blinken Seulda danışıqlar aparıblar.

“Report” TASS-a istinadən xəbər verir ki, bu barədə Çxve San Mokun rəhbərlik etdiyi Koreya Respublikasının Maliyyə Nazirliyindən bildirilib.

Çxve San Mok ABŞ-yə "Cənubi Koreya demokratiyasına dəstək və etimad nümayiş etdirdiyinə görə" təşəkkür edib.

"O, Koreya Respublikası-ABŞ ittifaqının güclü müdafiə qabiliyyəti əsasında Şimali Koreyanın törədə biləcəyi müxtəlif təxribatlara hazırlıq zamanı sıx əməkdaşlığın davam etdirilməsini xahiş edib", - nazirlikdən məlumat verilib.

Qeyd edək ki, KXDR yanvarın 6-da Yapon dənizi istiqamətində bu ilin ilk ballistik raket buraxılışını həyata keçirib.

Amerika tərəfi Çxve San Mokun rəhbərliyinə tam etibar etdiyini bildirərək Yaponiya və Cənubi Koreya ilə üçtərəfli formatda əməkdaşlığın davam etdiriləcəyinə ümidvar olduğunu deyib.

Oxşar xəbərlər

Şimali Koreya Yapon dənizi istiqamətində ballistik raket buraxıb

Cənubi Koreya, ABŞ və Yaponiya birgə hərbi təlimlər keçiriblər

Şimali Koreya Şərq dənizinə ballistik raket atıb

Cənubi Koreya ballistik raketə görə KXDR-ə yeni sanksiyalar tətbiq edəcək

Cənubi Koreya Şimali Koreya ilə sərhəd yaxınlığında döyüş atışlı təlimlər keçirib