ABŞ-nin bir qrup “B-1B Lancer” bombardmançı təyyarəsi Yaponiyanın Misava hərbi hava bazasına göndərilib.

"Sizinxeber.az" xəbər verir ki, bu barədə ABŞ-nin Sakit Okean Hərbi Hava Qüvvələri (PACAF) məlumat yayıb.

"ABŞ Hərbi Hava Qüvvələrinin “B-1B Lancer” təyyarələri, pilotları və 9-cu Ekspedisiya Bombardmançı Eskadrilyasının dəstək avadanlığından ibarət bombardmançı əməliyyat qrupu aprelin 15-də Yaponiyanın Misava hərbi hava bazasına gəlib. Onlar Sakit Okean Hərbi Hava Qüvvələrinin təlimlərinə dəstək vermək üçün göndərilib. Eyni zamanda Hind-Sakit okean regionunda regional sabitliyi gücləndirmək məqsədilə strateji çəkindirmə üzrə missiyalarını həyata keçirmək üçün gəliblər", - məlumatda qeyd edilib.

Mart ayının sonunda Yaponiya və ABŞ müdafiə nazirlərinin görüşü zamanı "Şərqi Çin dənizində Çinin hərbi fəaliyyətinin aktivləşməsi şəraitində" müdafiə və çəkindirmə imkanlarını gücləndirmək, həmçinin Yapon arxipelaqının cənub-qərb hissəsində iştirakını artırmaq məqsədilə fəal qarşılıqlı əməkdaşlıq niyyətini təsdiqləyiblər.

Oxşar xəbərlər

Amerikanın B-52 bombardmançı təyyarələri Yaxın Şərqə gedib

Çin yeni gizli silahın son sınaqlarını keçirib

Pentaqon Rusiya, Çin və KXDR arasında əməkdaşlıqdan narahatdır