Fransa Senatı 2025-ci il üçün büdcəni təsdiqləyib və onu Konstitusiya Şurasına göndərib.

“Sizinxeber.az” “Reuters”ə istinadən xəbər verir ki, şuranın təsdiqindən sonra prezident Emmanuel Makron qanun layihəsini imzalaya biləcək.

Büdcə 2025-ci ildə kəsirin 5,4 %-ə qədər azaldılmasını nəzərdə tutur. Bu da dövlət xərclərinin azaldılması və zəngin vətəndaşlar, eləcə də korporasiyalar üçün vergilərin artırılması hesabına əldə ediləcək. Eyni zamanda, büdcədə hərbi xərclərin 2024-cü illə müqayisədə 3,3 milyard avro artırılması nəzərdə tutulur.

Agentlik qeyd edib ki, baş nazir Fransua Bayru xüsusi konstitusiya səlahiyyətlərindən istifadə edərək qanun layihəsini irəli sürüb. Çünki onun sələfi 2024-cü ildə qanun layihəsinin qəbul edilməsinə nail ola bilməyib. Bu, müxtəlif siyasi qüvvələrlə çoxhəftəlik müzakirələr fonunda baş verib.

"Bir saniyə belə itirmək olmaz", - büdcənin yekun mətnini müzakirə edən qanunvericilərin qrupunu təmsil edən senator Jan-Fransua Yusson bildirib.

Qanun layihəsinin lehinə 219, əleyhinə 107 senator səs verib.

Beləliklə, qanun layihəsi qəbul edilmiş hesab olunur.

Oxşar xəbərlər

Fransa hökuməti vergilərin artırılması ilə bağlı 53 milyard avroluq tədbirlər hazırlayır

Almaniya 2025-ci ildə müdafiəyə 75 milyard avrodan çox vəsait ayıracaq

Rumıniya parlamenti 2025-ci ilin büdcə qanunu layihəsini qəbul edib

AMB büdcə kəsirinin maliyyələşdirilməsi ilə bağlı təkliflərlə çıxış edib

Aİ sammiti Ukraynaya 2025-ci ildə 30,6 milyard avro ayıracaq