Solçu partiyaların "Yeni Xalq Cəbhəsi" alyansı yanvarın 16-da Fransa Nazirlər Kabinetinə etimadsızlıq səsverməsinə çağıra bilər.

"Report" xəbər verir ki, bu barədə solçu deputat Erik Kokerel TF1-də bildirib.

Hökumətə etimad göstərməmək üçün müvafiq qətnaməni parlamentin 577 deputatından 289-u dəstəkləməlidir. "Yeni Xalq Cəbhəsi"nin 215 mandatı var və onun demarşı digər partiyaların dəstəyi olmadan uğurlu ola bilməz.

Kokerel sağçı müxalifətin də səsverməyə qoşulacağına ümid etdiyini vurğulayıb.

Qeyd edək ki, Fransua Bayru yanvarın 14-də parlamentdə əsas siyasət vektorlarını açıqlamalıdır. Solçu müxaliflər Baş nazirin siyasi bəyannaməsindən sonra ənənəvi etimad səsverməsinin keçirilməyəcəyi təqdirdə, ona qarşı impiçment prosesinə başlayacaqlarını bildiriblər.

Oxşar xəbərlər

Fransada solçular yeni baş nazirə etimadsızlıq votumu irəli sürəcək

KİV: Makron etimad səsverməsindən yayınmaq üçün müxalifətə güzəştə getməyə hazırdır

Fransada Mişel Barnye hökumətinə etimadsızlıq rəyi irəli sürülüb

Parisdə yeni hökumətə və Makronun siyasətinə qarşı aksiya keçirilir

Şotlandiyada hökumətə etimadsızlıq səsverməsi baş tutmayıb