ABŞ xüsusi xidmət orqanları Nyu-Orleanda (Luiziana ştatı) baş vermiş terror aktı ilə Las-Veqasda (Nevada ştatı) “Cybertruck” pikapının partlaması arasında əlaqənin olub-olmadığını araşdırır.

“Sizinxeber.az” xəbər verir ki, bu barədə ABŞ Prezidenti Cozef Bayden söyləyib.

“Biz Las-Veqasda “Trump Hotel” yaxınlığında “Cybertruck” pikapının partlaması ilə bağlı vəziyyəti izləyirik”, – Amerika lideri Kemp-Deviddəki (Merilend ştatı) istirahət iqamətgahından Nyu-Orleandakı terror aktı və Las-Veqasdakı partlayışla əlaqədar vətəndaşlara qısa müraciətində bildirib.

“Hüquq-mühafizə orqanları və kəşfiyyat xidmətləri də bu işi araşdırır, o cümlədən Nyu-Orleandakı hücumla hər hansı mümkün əlaqənin olub-olmadığını müəyyənləşdirir”, – Bayden qeyd edib.

Amerika lideri jurnalistlərin baş verənlərlə bağlı ABŞ-nin seçilmiş prezidenti Donald Trampla söhbət edib-etmədiyi və yaxın vaxtlarda ABŞ-də oxşar hadisələrin gözlənilməsi ilə bağlı suallarını cavablandırmayıb.

Oxşar xəbərlər

Las-Veqasdakı “Cybertruck” partlayışı potensial terror aktı kimi təhqiq ediləcək

Ərdoğan Rəisi ilə telefonla danışıb, terror aktı ilə bağlı başsağlığı verib

BMT Baş katibi Nyu-Orleandakı terror aktını qətiyyətlə pisləyib

Nyu-Orleanda insanların üstünə avtomobilin sürülməsi barədə Ağ Ev məlumatlandırılıb

Yeni Orleanda insanların üstünə avtomobilin sürülməsi barədə Ağ Ev məlumatlandırılıb