Cari ildə Polşanın yeni silahların alınması üzrə müqavilələrinin ümumi məbləği təxminən 40 milyard dollar təşkil edib. Bu məbləğin əhəmiyyətli hissəsi ABŞ hərbi sənayesi ilə bağlanmış müqavilələrin payına düşüb.

“Report” “İnterfaks”a istinadən xəbər verir ki, bu barədə “Rzeczpospolita” nəşri məlumat yayıb.

"Bu il ordu üçün yeni texnika üzrə müqavilələrin dəyəri 162 milyard zlotadan çox (39,5 milyard dollar ekvivalenti) olub. Bunun da təxminən 110 milyard zlotası xarici sənayeyə yönəldilib", - nəşr qeyd edib

Məlumata görə, bu məbləğ Polşa tarixində rekord göstəricidir.

Bildirilib ki, 2024-cü ildə dəyərinə görə ən böyük müqavilə təxminən 10 milyard dollara 96 ədəd “AH-64E Apache” helikopterinin alınmasıdır.

"Helikopterlərin bu qədər çox olması bizi ABŞ-dən sonra ikinci ən böyük istifadəçiyə çevirəcək. Lakin bu, o deməkdir ki, Polşa Ordusunun digər istiqamətləri kifayət qədər maliyyələşdirilməyəcək", - nəşr vurğulayıb.

Oxşar xəbərlər

Pentaqon bu il hərbi kəşfiyyata 29,8 milyard dollar xərcləyib

Polşa silah alışı üçün ABŞ-dən 4 milyard dollar kredit götürüb

Polşa ABŞ-dən 850 milyon dollara raket alacaq

Azərbaycanın 9 ayda cari əməliyyatlar balansının profisiti 4 milyard dollar olub

Polşa və ABŞ “Apache” zərbə helikopterinin tədarükü üzrə müqavilə imzalayıb