Qazaxıstan 2025-ci ildə BRICS-in "tərəfdaş ölkə"si statusunu alacaq.

Bu barədə “Sizinxeber.az”un Qazaxıstan bürosu ölkənin Xarici İşlər Nazirliyinin rəsmisi Aybek Smadiyarova istinadən məlumat verib.

"Bəli, Qazaxıstan BRICS-in “tərəfdaş ölkə”si statusunu alır", - A.Smadiyarov Rusiya Prezidentinin köməkçisi Yuri Uşakovun müvafiq bəyanatını təsdiqləyərək bildirib.

Y.Uşakov ötən gün bildirib ki, Kazan sammitinin mühüm nəticələrindən biri BRICS-in tərəfdaş ölkələri kateqoriyasının təsis edilməsi və 13 dövlətdən ibarət siyahının razılaşdırılması olub. Bu dövlətlərə müvafiq dəvətlər göndərilib. Bu günə qədər Belarus, Boliviya, İndoneziya, Qazaxıstan, Kuba, Malayziya, Tailand, Uqanda və Özbəkistan BRICS-in tərəfdaş ölkəsi olmağa hazır olduqlarını təsdiq edib.

Onun sözlərinə görə, sadalanan ölkələr 2025-ci il yanvarın 1-dən rəsmi olaraq BRICS-in “tərəfdaş dövlətlər”i statusunu alacaqlar.

BRICS 2006-cı ilin iyun ayında təsis edilib və dinamik inkişaf edən iqtisadiyyata malik olan ölkələrin qeyri-rəsmi dövlətlərarası birliyidir. Təşkilata Braziliya, Rusiya, Hindistan, Çin, Cənubi Afrika, BƏƏ, İran, Misir və Efiopiya daxildir.

Oxşar xəbərlər

İndoneziya, Malayziya və Tailand BRICS-in tərəfdaş ölkələri olub

13 ölkəyə BRICS-in tərəfdaşı statusu verilib

Türkiyə BRİCS-ə tərəfdaş ölkə statusunu nəzərdən keçirir

BRICS ölkələri tərəfdaş dövlətin meyarları barədə razılığa gəliblər, 13 dövlətin siyahısı razılaşdırılıb

Putin: BRICS tərəfdaş ölkələrinin siyahısı razılaşdırılıb