Cənubi Koreya Şimali Koreyanın Rusiyaya qoşun göndərməsi ilə bağlı NATO və Aİ-nı məlumatlandıracaq

Cənubi Koreya nümayəndə heyəti Şimali Koreyanın Rusiyaya qoşun göndərməsi ilə bağlı NATO və Aİ rəsmilərini məlumatlandıracaq.

APA “Yonhap”a istinadən xəbər verir ki, Cənubi Koreyanın nümayəndə heyəti NATO və Avropa İttifaqı (Aİ) rəsmilərini Şimali Koreyanın Rusiyaya qoşun göndərməsi barədə məlumatlandırmaq üçün gələn həftə Belçikaya səfər edəcək.

Bundan əlavə nümayəndə heyəti Baş katib Rutte və digər NATO və Aİ rəsmiləri ilə danışıqlar aparacaq.

Qeyd edək ki, Cənubi Koreya və ABŞ Şimali Koreyanın Rusiyanın şərqinə təxminən 3000 əsgər göndərdiyini, Milli Kəşfiyyat Xidməti (NIS) isə dekabr ayına qədər təxminən 10 min əsgərin yerləşdiriləcəyini gözlədiyini bildirib.