BMT-nin Baş katibi Antoniu Quterreş Cənubi Koreyada hərbi vəziyyətin ləğvini alqışlayır və ölkədəki vəziyyəti yaxından izləməyə davam edir.

"Sizinxeber.az" xəbər verir ki, bunu Baş katibin rəsmi nümayəndəsi Stefan Düjarrik keçirdiyi brifinqdə deyib.

Qeyd edək ki, Koreya Respublikasının prezidenti Yun Seok-yeol dekabrın 3-ü axşam saatlarında hərbi vəziyyətin tətbiq olunduğunu elan edib. Bir neçə saat sonra parlament onun ləğvinə səs verib. Daha sonra ölkə rəhbəri qərarını ləğv edəcəyinə söz verdikdən sonra Nazirlər Kabineti onu dəstəkləyib.

Cənubi Koreyada 45 ildir hərbi vəziyyət tətbiq edilmir.

Dekabrın 4-də müxalifət Koreya Respublikasının prezidentinə qarşı impiçment proseduruna başlayıb. Yaxın günlərdə səsvermənin keçirilməsi gözlənilir.

Oxşar xəbərlər

Cənubi Koreyada parlament binası qarşısında yüzlərlə insan hərbi vəziyyətin tətbiqinə etiraz edir

Rusiya XİN Cənubi Koreyada olan vətəndaşlarına müraciət edib

Seulda parlament binası qarşısında yüzlərlə insan hərbi vəziyyətin tətbiqinə etiraz edir

Cənubi Koreya prezidenti üçün impiçment proseduruna başlanılıb - YENİLƏNİB

Cənubi Koreya parlamenti ölkədə hərbi vəziyyətin ləğvinə səs verib