ABŞ-ın yeni seçilmiş prezidenti Donald Trampın yeni administrasiyaında vəzifələr üçün potensial namizədlərdən pul tələb etməkdə şübhəli bilinən hüquq müşaviri Boris Epşteyn Respublikaçılar Partiyasının keçid komandasının bəzi iclaslarında iştirakdan kənarlaşdırılıb.

“Sizinxeber.az” xəbər verir ki, bu barədə “The Wall Street Journal” öz mənbələrinə istinadən məlumat yayıb.

Qeyd olunub ki, Tramp komandasının onunla bağlı araşdırmasına görə keçid məsələlərinin müzakirə olunduğu bəzi görüşlərdə Epşteynin iştirakına qarşı çıxılıb.

Məqalədə deyilir ki, bu problem seçilmiş prezidenti uzun müddət sadiq olanlar və sonradan komandasına qoşularaq onun ikinci rəhbərliyinə nizam-intizam gətirməyə çalışanlar arasında seçim etməyə məcbur edə bilər. Boris Epşteyn özü ittihamları rədd edib.

Bundan əvvəl “The Wall Street Journal” yazıb ki, Epşteyn yeni administrasiya üçün potensial namizədlərdən Trampın qarşısında onları müdafiə edəcəyi müqabilində aylıq məsləhət haqqı ödəmələrini istəyib.

Oxşar xəbərlər

Epşteyn Trampın keçid komandasının iclaslarının bir hissəsindən uzaqlaşdırılıb

Trampın keçmiş müşaviri ABŞ-nin KTN rəhbəri ola bilər

WSJ: Mask gizli şəkildə respublikaçılara on milyonlarla dollar ianə edib

ABŞ-nin Ağ Ev Aparatına ilk dəfə qadın rəhbərlik edəcək

KİV: Tramp seçicilərin dəstəyi baxımından Harrisi qabaqlayır