ABŞ-nin yeni seçilmiş Prezidenti Donald J. Trampın keçid komandası onun müşaviri Syuzan Uaylsın hakimiyyətə gəldikdən sonra Ağ Ev Aparatının rəhbəri vəzifəsinə təyin olunacağını elan edib.

Bu barədə “Sizinxeber.az” TASS-a istinadən xəbər verir.

"Syuzan güclü, ağıllıdır, yeniliyi görmə qabiliyyətinə malikdir, ona heyrandırlar və hörmət edirlər. Syuzan ABŞ tarixində Ağ Ev aparatına rəhbərlik edən ilk qadın olacaq", - Trampın tərəfdarları bildiriblər.

Uayls 2016, 2020 və 2024-cü illərdə Tramp komandasının tərkibində keçirilən seçki kampaniyalarında fəal iştirak edib.

ABŞ-də prezident seçkiləri noyabrın 5-də keçirilib. Ali vəzifə uğrunda demokrat namizəd Kamala Harris və Respublikaçılar Partiyasının iddialısı Donald Tramp aparıblar. Qalib gəlmək üçün siyasətçilərdən biri azı 270 seçici səsi almalı idi. Tramp seçkilərdə 295 səs toplayıb.

ABŞ-nin 47-ci prezidentinin andiçmə mərasimi 2025-ci ilin 20 yanvarında keçiriləcək. Tramp övladlarının yenidən Ağ Evdəki vəzifələrə təyinatından imtina edib.

Oxşar xəbərlər

Tramp Syuzan Uaylsı Ağ Evin aparat rəhbəri təyin edəcək

KİV: Tramp prezident seçkilərində 267 səslə liderlik edir - YENİLƏNİB

Tramp Floridada prezident seçkilərində səs verib

KİV: Donald Tramp Kentukki, Florida və İndiana ştatlarında liderdir

Donald Tramp əsas rəqibi Kamala Harrislə debata çıxacaq