Amerikalı sahibkar İlon Mask bir neçə il ərzində gizli şəkildə Respublikaçılar Partiyasına on milyonlarla dollar ayırıb.

“Sizinxeber.az” xəbər verir ki, bu barədə “The Wall Street Journal” qəzeti mənbələrə istinadən məlumat yayıb.

Nəşr qeyd edir ki, əvvəllər məlum olmayan ianələr Maskın 2024-cü ilin yayında respublikaçılardan ABŞ prezidentliyinə namizəd Donald Trampın dəstəklənməsi üçün komitə yaratmasından xeyli əvvəl “respublikaçı təşəbbüslərin və namizədlərin maliyyələşdirilməsində əhəmiyyətli qüvvə olduğunu” göstərir.

2022-ci ilin payızında milyarder aralıq seçkiləri ərəfəsində tərəddüd edən ştatlarda demokratlara qarşı kampaniyaya 50 milyon dollardan çox vəsait ayırıb. 2023-cü ildə Mask o zaman prezident seçkilərində iştirak etmək iddiasında olan Florida qubernatoru Ron DeSantisi dəstəkləmək üçün 10 milyon dollar ianə edib.

Respublikaçılar Partiyasının hüquqşünasları və məsləhətçiləri Maska bu maliyyə əməliyyatlarına aidiyyətini gizlətməkdə kömək ediblər. “The Wall Street Journal” əlavə edir ki, tranzaksiyaların müzakirəsi üçün məlumatların ucdan-uca şifrələnməsi texnologiyasından istifadə edən “Signal” mesencerindən istifadə olunub.

Oxşar xəbərlər

İlon Mask hər il mühafizəsi üçün milyonlarla dollar xərcləyir [xfgiven_updateblue][/xfgiven_updateblue]

İlon Mask Trampın administrasiyasında təmsil olunmaq istəyir [xfgiven_updateblue][/xfgiven_updateblue]

Trampa qarşı çıxan Respublikaçılar Harrisin kampaniyası üçün vəsait toplayıblar [xfgiven_updateblue][/xfgiven_updateblue]

WSJ: Tramp seçkilərdə qalib gələrsə, Maska vəzifə təklif edə bilər [xfgiven_updateblue][/xfgiven_updateblue]

Kamala Harrisin seçki qərargahı 500 milyon dollar toplayıb [xfgiven_updateblue][/xfgiven_updateblue]