Hazırda Avropa İttifaqı ölkələrində 4,2 milyon ukraynalı qaçqın var və onlar Avropa Komissiyasının 2022-ci ilin martında qəbul etdiyi qərarla onlara verilən müvəqqəti müdafiə hüququndan istifadə edirlər.

“Report” xəbər verir ki, bu barədə Aİ-nin “Eurostat” statistika agentliyi məlumat yayıb.

Ən çox ukraynalı qaçqın Almaniyada yaşayır - 1,3 milyon nəfər, Polşa ikinci yerdə - 0,98 milyon, Çexiya isə üçüncü yerdədir - 0,38 milyon.

Müvəqqəti müdafiə hüququndan yalnız 24 fevral 2022-ci il tarixindən sonra Avropaya gələn və ittifaqın ərazisində daimi yaşamayan Ukrayna vətəndaşları yararlana bilər. Beləliklə, bu status (2026-cı ilin mart ayına qədər etibarlıdır – Qeyd) qüvvədə olduğu müddətdə qaçqınlar iş, sağlamlıq, təhsil və sosial müavinət əldə edə bilərlər.

Oxşar xəbərlər

Guardian: Avropadakı bir çox ukraynalı qaçqın küçələrdə qalmaq riski ilə üzləşə bilər

Müharibə başlayandan bəri bir milyon yarımdan çox Rusiya və Ukrayna vətəndaşı Azərbaycana gəlib

Aİ 60 minə yaxın ukraynalı hərbçiyə təlim keçib

BMT: Livandan Suriyaya 200 mindən çox qaçqın gedib