ABŞ Qəzza zolağı və İordan çayının qərb sahilindəki fələstinlilərə 336 milyon dollar əlavə humanitar yardım göstərmək niyyətindədir.

"Report" xəbər verir ki, bu barədə "Reuters" USAID-ə istinadən məlumat yayıb.

Qeyd olunur ki, maliyyə vəsaiti bu ərazilərə ərzaq, dərman və ilkin tələbat mallarının çatdırılmasına, eləcə də İsrail ordusunun hərəkətləri nəticəsində evlərini tərk etmək məcburiyyətində qalan fələstinlilərin qışda müvəqqəti mənzillə təmin olunmasına imkan verəcək.

Bildirilir ki, Qəzza zolağı və İordan çayının qərb sahili son bir ildə humanitar böhran vəziyyətindədir.

“Birləşmiş Ştatlar münaqişənin bütün tərəflərini atəşkəs və girovların dərhal azad edilməsi, habelə Qəzza zolağına genişmiqyaslı humanitar yardımın çatdırılması barədə razılığa çağırmaqda davam edir”, - məlumatda deyilir.

Oxşar xəbərlər

Qətər Qəzza sakinlərinə 4,5 milyon dollar ayıracaq

Niderland Qəzza zolağına humanitar yardım üçün əlavə 25 milyon avro ayıracaq

ÜST Qəzza zolağına humanitar yardımın çatdırılmasını bərpa etməyə çağırıb

Almaniya Qəzza əhalisinə yardım üçün daha 50 milyon avro ayıracaq

Yaponiya İordan çayının qərb sahilindəki israillilərə qarşı sanksiyalar hazırlayır