BMT Yaxın Şərqdəki münaqişənin bütün tərəflərindən təmkinli davranmalarını istəyir və regionda vəziyyətin deeskalasiyası üçün fəal işləyir.

“Report” xəbər verir ki, bunu BMT Baş katibinin sözçüsünün müavini Farhan Haq bildirib.

Onun sözlərinə görə, Yaxın Şərqdə vəziyyət gözlənilməz şəkildə nəzarətdən çıxa bilər: “Biz bütün tərəflərin təmkinli olmasını istəyirik. Vəziyyət gözlənilməz şəkildə nəzarətdən çıxa bilər və biz bunun qarşısını almaq üçün fəal işləyirik”.

İyulun 31-də HƏMAS Siyasi Bürosunun rəhbəri İsmayıl Həniyənin Tehranda öldürülməsindən sonra İranın tələbi ilə BMT Təhlükəsizlik Şurasının fövqəladə iclası keçirilib. Təhlükəsizlik Şurasına sədrlik edən Rusiya fələstinli siyasətçinin qətlini pisləyən mətbuat bəyanatı qəbul etməyi təklif etsə də, Böyük Britaniya, ABŞ və Fransa sənədi bloklayıb.

Oxşar xəbərlər

XİN başçısı: BMT TŞ-nin hərəkətsizliyinə görə İran İsrailə cavab vermək məcburiyyətindədir

G7 ölkələri və Aİ Yaxın Şərqdəki vəziyyətin gərginləşməsindən narahatdır