Rusiyanın İsveçdəki ticarət nümayəndəliyinə dronla hücum edilib

Rusiyanın İsveçdəki ticarət nümayəndəliyi yenidən dron hücumuna məruz qalıb.

“Report” TASS-a istinadən xəbər verir ki, bu barədə Rusiya səfirliyi “Telegram” kanalında bildirib.

"2025-ci il avqustun 21-nə keçən gecə Rusiyanın İsveçdəki ticarət nümayəndəliyinə drondan boya paketi atılıb. Daha əvvəl analoji hücumlar iyunun 17-si və iyulun 5-də baş vermişdi", - məlumatda qeyd olunub.