Cinayət Tribunalları üçün Beynəlxalq Qalıq Mexanizmi Soyqırımı və müharibə cinayətlərinə görə 2017-ci ildə ömürlük həbs cəzasına məhkum edilən Bosniya serbləri ordusunun sabiq komandiri Ratko Mladiçin səhhətinə görə vaxtından əvvəl azadlığa buraxılmasını rədd edib.

“Sizinxeber.az” xəbər verir ki, bu barədə “Reuters” məlumat yayıb.

Məhkəmə qərarında vurğulanıb ki, tibbi rəylər Mladiçin vaxtından əvvəl azadlığa çıxmasına haqq qazandıra biləcək hər hansı kəskin, sağalmaz xəstəliyi yoxdur.

Xatırladaq ki, Keçmiş Yuqoslaviya üzrə Beynəlxalq Haaqa Tribunalı “Bosniya qəssabı” ləqəbli R.Mladiçi soyqırımda, insanlıq əleyhinə cinayətlərdə, həmçinin müharibə qanunları və ənənələrini pozmaqda təqsirkar bilib və o, ömürlük həbs cəzasına məhkum olunub.

R.Mladiç 1992-1995-ci illərdə Bosniya və Herseqovinada silahlı münaqişə zamanı serb ordusuna rəhbərlik edib. Serb qoşunlarının 1995-ci il iyulun 11-də Bosniya və Herseqovinanın şərqindəki Srebrenitsa şəhərinə daxil olması ilə başlayan soyqırımında bir neçə gün ərzində 8 372 bosniyalı mülki şəxs öldürülüb və onların cəsədləri müxtəlif kütləvi məzarlıqlarda basdırılıb. 2007-ci ildə Keçmiş Yuqoslaviya üzrə Beynəlxalq Haaqa Tribunalı Srebrenitsa və ətrafında baş verənləri soyqırımı kimi qiymətləndirib.

Oxşar xəbərlər

Avroparlamentarilər Bosniya və Herseqovinada müsəlmanların soyqırımını anmaq üçün dinləmələr keçirib

Bosniya və Herseqovinada daşqınlar nəticəsində 14 nəfər ölüb

Bosniya Serb lideri Milorad Dodik üçün beynəlxalq həbs qərarı verib

Bosniya serblərinin lideri xəstəxanaya yerləşdirilib

Bosniya və Herseqovinada məktəbdə atışma olub, üç nəfər öldürülüb