Konqo Demokratik Respublikasında (KDR) baş verən Ebola virusu epidemiyası qlobal səhiyyə xərclərinin azaldığı bir dövrdə dünyanın üzləşə biləcəyi təhlükələrin xəbərçisi hesab olunur.

Bu barədə "Financial Times" qəzeti yazıb.

Nəşrin məlumatına görə, Xarici Əlaqələr Şurasının qlobal səhiyyə proqramının direktoru Tomas Bolliki mövcud vəziyyəti “yeni qlobal səhiyyə sisteminin qırılma xəttində inkişaf edən epidemiya” kimi xarakterizə edib.

Ekspert bildirib ki, həkimlər və alimlər bu cür fövqəladə hallarla mübarizə aparmaq üçün kifayət qədər bilik və təcrübəyə malik olsalar da, onların arxalandığı institutlar və ictimai dəstək əvvəlki illərlə müqayisədə zəifləyib.

“COVID-19 pandemiyasından sonra ictimai və qlobal səhiyyəyə qarşı yaranan mənfi münasibət səbəbindən vəziyyətimiz daha ağırdır. Əgər dünyanın qlobal səhiyyə sahəsində uğura ehtiyacı olan bir dövrü varsa, o dövr məhz indidir”, - deyə Bolliki vurğulayıb.

Oxşar xəbərlər

Konqoda ebola virusundan ölənlərin sayı 100-ü keçib

ÜST Ebola epidemiyasına görə Konqo və Uqandada fövqəladə vəziyyət elan edib

Konqodakı amerikalılar Ebola xəstələri ilə təmasda şübhəli bilinirlər

Konqo Demokratik Respublikasında Ebola qurbanlarının sayı 139 nəfərə çatıb

Konqo DR-nin futbol millisi 2026-cı ilin dünya çempionatından kənarlaşdırıla bilər