Rusiya Prezidenti Vladimir Putin və İsrailin Baş naziri Binyamin Netanyahu Yaxın Şərqdəki vəziyyəti müzakirə ediblər.

“Report” Rusiya prezidentinin mətbuat xidmətinə istinadən xəbər verir ki, Putin Netanyahu ilə telefon danışığı zamanı Moskvanın bütün regional münaqişələrin yalnız sülh yolu ilə həllinin tərəfdarı olması ilə bağlı mövqeyini təsdiqləyib.

Rusiya lideri, həmçinin Suriyanın birliyinin, suverenliyinin və ərazi bütövlüyünün qorunub saxlanılmasının, əhalinin bütün etnik və dini qruplarının qanuni hüquq və mənafelərinin təmin edilməsinin vacibliyini vurğulayıb.

İran-İsrail qarşıdurmasının kəskinləşməsi fonunda Putin İranın nüvə proqramı ətrafında diplomatik həll yollarının axtarışına yardım etməyə hazır olduğunu bildirib.

Tərəflər beynəlxalq və ikitərəfli gündəlikdəki aktual məsələlər üzrə dialoqun davam etdirilməsi barədə razılığa gəliblər.

Oxşar xəbərlər

Putin İran Prezidenti və İsrail Baş naziri ilə telefon danışıqları aparıb

Putin və Netanyahu arasında telefon danışığı baş tutub

Putinlə Orban Ukrayna, Suriya və Yaxın Şərqdəki vəziyyəti müzakirə ediblər

Putin Rusiya-Ukrayna münaqişəsinin diplomatik yolla həllinə hazır olduğunu təsdiqləyib

Putin və Tramp arasında telefon danışığı baş tutub - YENİLƏNİB