ABŞ-nin Kentukki ştatının Leksinqton şəhərindəki Baptist kilsəsində silahlı şəxs insanlara atəş açıb, çox sayda yerli sakin yaralanıb.

“Sizinxeber.az” xəbər verir ki, bu barədə ştatın qubernatoru Endi Beşir “X” sosial şəbəkəsində məlumat verib.

Onun sözlərinə görə, Riçmond yolunda naməlum şəxslə patrul polisi əməkdaşları arasında da atışma baş verib. Yaralıların hamısı xəstəxanaya yerləşdirilib. Qubernator əlavə edib ki, hücumun təfərrüatları müəyyənləşdirilir və tezliklə məlumat veriləcək.

Öz növbəsində “Lexington Herald-Leader” nəşri xəbər verir ki, bazar günü səhər Kentukki ştatının “Blue Grass” hava limanı yaxınlığında silahlı şəxs polis zabitinə atəş açıb. Daha sonra o, hava limanından 17 mil aralıda yerləşən Baptist kilsəsinə gedib və orada ibadət edənlərə atəş açıb.

Polisin hadisə yerində silahlı şəxsi zərərsizləşdirdiyi bildirilir.

Oxşar xəbərlər

Şri Lankada silahlı şəxs kilsəyə tərəf atəş açıb

Berlinin mərkəzində atışma olub

Banqladeşdə polis nümayişçilərə atəş açıb

Ukraynada naməlum şəxsin açdığı atəş nəticəsində 2 nəfər ölüb, 3 nəfər yaralanıb

ABŞ-də supermarketdə atəş açılıb, ölənlər var