Vaşinqton plastmas istehsalında istifadə edilən təbii qazın tərkib hissəsi olan etanın Çinə tədarükü ilə bağlı məhdudiyyətləri aradan qaldırıb.

“Sizinxeber.az” xəbər verir ki, bu barədə “Reuters” məlumat yayıb.

Agentliyin məlumatına görə, Amerika şirkətləri Çinə gedən gəmilərə etanı yükləmək üçün ABŞ-nin Ticarət Nazirliyindən icazə alıb. Bununla belə, onu boşaltmaq üçün hələ də Vaşinqtondan ayrıca icazə tələb olunacaq. Agentlik qeyd edib ki, ABŞ bir neçə həftə əvvəl Çinə etanın tədarükünə lisenziya məhdudiyyətləri qoyub. Onların ləğvi Pekin və Vaşinqton arasında ticarət mübahisələrinin həllində irəliləyiş olduğunu göstərir.

Qeyd olunur ki, ABŞ-nin etan ixracının yarısı Çinə gedir, ona görə də tədarükün dayandırılması heç bir tərəfin maraqlarına uyğun deyildi. İyun ayında məhdudiyyətlər tətbiq edildikdən sonra Meksika körfəzi sahillərində boş qalan etanla azı səkkiz gəmi hazırda Çinə gedir.

Oxşar xəbərlər

Fransa Çinlə ticarət mübahisələrini həll etməyə çalışır

KİV: ABŞ Çin mallarına rüsumları 104 %-ə qaldıra bilər

Tramp Çinə ticarət rüsumlarını 125 %-ə qaldırıb

KİV: Tramp apreldə Çinə səfər edə bilər

“S&P”: İrandan Çinə neft ixracı rekord səviyyəyə çatıb