Beynəlxalq Atom Enerjisi Agentliyi (BAEA) İranın obyektlərinə hücum edilərkən səssiz qalmamalıdır.

"Report" "Reuters" agentliyinə istinadən xəbər verir ki, bunu İranın təşkilatdakı daimi nümayəndəsi Əmir Səid İrəvani BMT Təhlükəsizlik Şurasının iclası zamanı deyib.

"İran İsrailin təcavüzü dayanana qədər özünümüdafiə hüququndan istifadə etməyə davam edəcək", - o, bildirib.

Onun sözlərinə görə, İran ABŞ-nin münaqişəyə girə biləcəyi ilə bağlı xəbərlərdən narahatdır.

“Aydın deyək: İranın nüvə proqramı dinc xarakter daşıyır və dünyanın ən geniş yoxlamalarına məruz qalır”, - İrəvani vurğulayıb.

Bu bəyanatlardan sonra İsrailin BMT-dəki nümayəndəsi Denni Danon İrəvaniyə müraciət edərək qeyd edib ki, İran beynəlxalq ictimaiyyətdən onu müdafiə etməyi tələb edə bilməz: "İranın nüvə təhlükəsi aradan qalxana qədər dayanmayacağıq", - Danon deyib.

Oxşar xəbərlər

BAEA rəhbəri İranın nüvə obyektlərinə baş çəkib

BMT-nin daimi nümayəndəsi: İran təcavüzə cavab vermək hüququnu özündə saxlayır

İran amerikalı müfəttişlərin nüvə obyektlərinə buraxılmasını istisna etmir

Kaya Kallas və Abbas Əraqçi İsrail-İran qarşıdurmasını müzakirə ediblər

İran nüvə obyektlərinə təhdidlərlə bağlı BMT-ni xəbərdar edib