Əgər Tehran və Vaşinqton İranın nüvə proqramı üzrə razılığa gələrsə, İran Beynəlxalq Atom Enerjisi Agentliyindən (BAEA) olan amerikalı müfəttişlərin ölkənin nüvə obyektlərinə buraxılması imkanını nəzərdən keçirə bilər.

"Sizinxeber.az" "İnterfaks"a istinadən xəbər verir ki, bu barədə İranın Atom Enerjisi Təşkilatının rəhbəri Mohammad Eslami bildirib.

"Əgər biz nüvə proqramı ilə bağlı razılığa gəlsək, BAEA üçün işləyən amerikalı müfəttişlərə bizim nüvə obyektlərimizi ziyarət etməyə icazə verə bilərik", - M.Eslami qeyd edib.

O vurğulayıb ki, İran nüvə enerjisindən yalnız dinc məqsədlər üçün istifadə edir. M.Eslami qeyd edib ki, İranın uranın daha da zənginləşdirilməsi ilə bağlı mövqeyi tamamilə qanunidir.

ABŞ və İran arasında danışıqların beşinci raundu keçən cümə günü Romada keçirilib. “The Wall Street Journal”ın mənbələrinin məlumatına görə, danışıqlar razılaşma əldə edilmədən başa çatıb, lakin tərəflər danışıqları davam etdirməyi razılaşıblar.

Oxşar xəbərlər

BAEA rəhbəri İranın nüvə obyektlərinə baş çəkib

Baqai: İran nüvə proqramı ilə bağlı güzəştə hazırdır

İran nüvə obyektlərinə nəzarətin artırılması üçün ABŞ-yə şərt qoyub

İran və Rusiya nüvə təhlükəsizliyi ilə bağlı əməkdaşlığın genişləndirilməsi barədə razılığa gəliblər

İran XİN başçısı: Uranın zənginləşdirilməsi prinsipi ABŞ ilə müzakirə mövzusu deyil