Moskva və Vaşinqton arasında nadir torpaq metallarının çıxarılması üzrə birgə layihələrə dair heç bir sənəd imzalanmayıb.

Sizinxeber.az-nın Moskva bürosu xəbər verir ki, bu barədə Rusiya prezidentinin mətbuat katibi Dmitri Peskov bildirib.

O, iki ölkə arasında qarşılıqlı sanskiyaların hələ də qüvvədə olduğunu xatırladıb: "Xeyr, heç bir sənəd imzalanmayıb. Bilirsiniz ki, sanksiyalar, Amerika şirkətləri üçün məhdudiyyətlər qüvvədədir", - Kremlin sözçüsü vurğulayıb.

Peskov Rusiya və ABŞ bizneslərinin birgə layihələrdə qarşılıqlı marağının iki ölkə arasında münasibətlərdə vəziyyətin yaxşılaşdırılmasının ilkin mərhələsi adlandırıb: "Bu münasibətlərimizin ən aşağı həddə düşdüyü dövrdən sonra yalnız ilkin mərhələdir. Ona görə də vəziyyəti düzəltmək üçün əhəmiyyətli səylər lazımdır".

Oxşar xəbərlər

Putin: ABŞ və Ukrayna arasında yeraltı sərvətlərə dair mümkün razılaşmanın Moskvaya aidiyyəti yoxdur

Peskov: Kreml Pavel Durovun neçə vətəndaşlığa malik olduğunu bilmir

Rəsmi Moskva: Hazırda Moskva, Vaşinqton və Kiyevin təmaslarının təşkilində irəliləyiş yoxdur

Peskov: Moskva Gürcüstanın daxili işlərinə qarışmır

Kreml: Ər-Riyaddakı danışıqların məzmunu açıqlanmayacaq