Ər-Riyaddakı danışıqların məzmunu açıqlanmayacaq, çünki bunlar texniki məsləhətləşmələrdir.

Sizinxeber.az-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.

Onun sözlərinə görə, Rusiya və ABŞ arasında Ər-Riyadda aparılan danışıqların nəticələri barədə Moskva və Vaşinqtona məlumat verilib.

Peskov hazırda danışıqların nəticələrinin təhlil edildiyini söyləyib. Kremlin sözçüsü vurğulayıb ki, Rusiya və ABŞ təmasları davam etdirəcək, lakin təmasların vaxtı və nümayəndə heyətlərinin tərkibi ilə bağlı hələlik konkret məlumat yoxdur.

Peskov Rusiya, ABŞ və Ukrayna nümayəndələri arasında üçtərəfli görüş hələlik planlaşdırılmadığını da söyləyib. Kreml rəsmisi Putinlə Tramp arasında hələlik heç bir danışığın planlaşdırılmadığını, lakin lazım gələrsə, tez bir zamanda bunun razılaşdırılacağını əlavə edib.

Oxşar xəbərlər

Kreml Putinlə Trampın xüsusi nümayəndəsinin görüşünün bəzi təfərrüatlarını açıqlayıb

Kreml: Putin Trampla heç bir şərt olmadan görüşməyə hazırdır

Kreml Putinlə Trampın telefon danışığının vaxtını açıqlayıb

Peskov: Kreml Pavel Durovun neçə vətəndaşlığa malik olduğunu bilmir

Kreml: Sankt-Peterburqda Putin və Paşinyan arasında ayrıca görüş planlaşdırılmır